Esta andaina vai ter lugar o vindeiro 13/04/2019 na zona costeira do Seixo (Mugardos).
A camiñata por esta “Costa Senlleira” do interior da ría de Ferrol constará dun percorrido duns catro quilómetros de dificultade media baixa.
Ás 10:00 h. partiremos da enseada da Barca, e percorrerá a costa ata rematar sobre as 14:00 h. na zona do Carril (Barallobre).
Diferentes especialistas explicarán as singularidades que iremos descubrindo ao longo do percorrido, as características da flora e a fauna deste ecosistema costeiro, o patrimonio arqueolóxico, a riqueza marisqueira, a tipoloxía urbana do Seixo e as ameazas e valores a preservar.
As intervencións serán a cargo de:
Pedro Cruzado: aves de invernada e vexetación de ribeira.
Gregorio– : Xacementos arqueolóxicos e tipoloxía urbana.
Cesio– : A riqueza marisqueira da ría e os impactos que a condicionan.
A inscrición é gratuíta e farase achegando os seguintes datos persoais:
- Nome e apelidos.
- Número de DNI ou pasaporte.
- Teléfono de contacto.
As inscripcións faranse chamando ao número de teléfono: 605355650, enviando un correo electrónico ao enderezo electrónico de Betula: custodia.betula@gmail.com ou contactando con calquera membro da directiva antes das 22:00 h. do 11/04/19, a efectos de formalizar o correspondente seguro.
Os menores deberán ir acompañados dun adulto responsable.