Benqueridas socias, socios e simpatizantes,invitámosvos a esta actividade que temos preparada para o próximo domingo 26 de marzo, esperando que teña boa acollida.
O punto de encontro será as 10 da mañá, no centro de interpretación das Fragas do Eume, lembrade que hai un aparcadoiro amplo un pouco antes de chegar ao centro, a man esquerda da pista. Intentaremos xuntarnos despois no mínimo número de coches para desplazarnos ata o punto de saida da ruta , a carón da ponte de Santa Cristina, antes do acceso os mosteriro de Caaveiro.
Centro de Interpretación de las Fragas del Eume
981 43 25 28
https://maps.app.goo.gl/
A ruta achegaranos ata unha finca nas fragas , da nosa propiedade, que queremos que coñezades.
Despois temos reservada a cantina do Mosteiro para xantar a base duns bocadillos moi saborosos que preparan ,cando reservedes a plaza para o roteiro, por favor indicade a opción que escolleriades para xantar, se é que vos quedades , cousa que vos recomendo pois despois haberá un pequeno concerto do dúo de violín e guitarra Duellist, nas inmediacións do mosteiro, se o tempo o permite ou na propia taberna se temos que refuxiarnos da choiva.
Tedes a información do menú no cartaz adxunto a este correo, e o xantar pagaríase na cantina e serían 10 euros .
Para xestionar o tema do seguro de accidentes, tedes que aportar 5 euros para aqueles que sodes soci@s, e 6 euros en caso de non selo.
Para apuntarvos reenviade este correo a Betula , indicando nome e dni dos asistentes ( polo tema do seguro) e non vos esquezades de elexir o menú.
Enviade resposta antes do sábado 25 para poder organizarnos.
Esperamos desfrutar deste día con vos. Saúdos.
Esta é unha actividade na que colabora económicamente a Deputación da Coruña mediante o programa de subvencións a entidades privadas sen ánimo de lucro para o co financiamento de proxectos de actividades no ámbito do medio ambiente no 2023, DP0031.