Un ano mais, dende a Asociación Betula coordinamos a XIV Limpeza Simultánea de Ríos insistindo no noso malparado río Baa .
O Proxecto Ríos nace en Galiza no ano 2005 promovido por ADEGA (Asociación para a Defensa Ecolóxica de Galiza), cos propósitos de divulgar a situación ambiental dos nosos cursos fluviais, contribuír a incrementar a concienciación ambiental a través da participación cidadá e aportar solucións aos problemas asociados á auga e aos ríos, así como de convertese nun referente nos programas de educación e voluntariado ambiental.
Este ano, debido aos condicionantes impostos pola pandemia do Covid-19, decidimos escoller dúas zonas amplas do río Baa, una no concello de Cabanas e outra no Concello de Fene, e así poder manter un distanciamento social recomendable.
A xornada de limpeza terá lugar este domingo día 26 de setembro entre as 10,30 e as 13.30.
O punto de encontro será ás 10:30 horas fronte a nave de Salvamento Marítimo, no Polígono Industrial de Vilar do Colo.
Para o día da limpeza, lembrar que os materias precisos ou recomendables son:
-Luvas (mellor que cada voluntario/a traia as súas da casa).
-Botas de auga ou calzado impermeable.
Para o desenvolvemento da xornada é preciso contar con algunhas medidas de seguridade elementais para non mancarse ao retirar o lixo. Algunhas poden ser:
-Non arriscar a integridade física por coller lixo en zonas perigosas ou pouco accesibles.
-Ao levantar pesos facelo sempre dobrando os xeonllos. Pedir axuda a outros compañeiros/as para recoller cousas pesadas.
-Se hai cristais, vidro, ferralla, ou outro material cortante retiralo con precaución se é posible.
-Aplicar o sentido común. Sempre se pode chamar ao concello para que retire o lixo máis problemático.
-Se no grupo van nenos/as ter boa conta deles e non deixalos sós.
-Non traballar de costas ao río sobre todo se estamos arrincando algo que está enterrado xa que podemos caer ao cauce.
-Ter coidado coas zonas de corrente forte e profundas.
Se tedes calquera dúbida podedes contactar con nós e anotarvos dos seguintes feitos:
Vía correo :custodia.betula@gmail.com
Whatsapp de Xavi: 651884692 ou Lan: 605355650
Indicando nome e apelidos e mais DNI das persoas participantes maiores de idade.
Os menores deben de ir acompañados dun adulto.
Agardámosvos
